Марко Секуловски е дипломиран професор по Физичко и здравствено образование при Факултетот за физичко образование во Скопје и магистер во едукација со фокус на атлетска/спортска администрација добиена преку Ендикот Колеџ, Бостон. 

​

Марко има повеќегодишно искуство како професор по Физичко и здравствено образование во интернационални училишта во Кина и Сингапур. Моментално работи во Француското интернационално школо во Сингапур каде предава Физичко и здравствено образование на деца од прво до петто одделение. 

​

„Т-Атлетик е резултат на идејата да создадам место за споделување информации, идеи и искуства во делот на здравиот начин на живот, физичкото и здравствено образование, спортот, физичката припрема и вежбање и исхрана. На овој начин би сакал да креирам еден повеќеопфатен информативен хаб кој би им овозможил на луѓето да го подобрат животниот стил и перформанс.“