Што значи да имате „правилна исхрана“ - втор дел
- T-Aтлетик
- Aug 13, 2020
- 2 min read
Updated: Aug 18, 2020
Постојаната изложеност на стимули од околината резултира со несвесно одвлекување на вниманието од секојдневните активности. Ова се манифестира со намалена свесност за било какви сензации и сигнали во телото предизвикани од различни физиолошки промени.
Намаленото внимание и свесност го пренесуваме во многу аспекти од нашиот секојдневен живот, а тука спаѓа и времето за оброк.
Кога последен пат сте имале оброк во тишина, без телевизија или мобилен телефон? Колку често потполно сте фокусирани на секој закал, на вкусот, текстурата и мирисот на храната?
Многу луѓе го прескокнуваат доручекот, не поради нивна лична одлука, туку резултат на „недостаток“ на време. Други се одлучуваат за брза храна од локалната пекара додека одат на работа. Храната ја конзумираат што би се рекло „од нога“ додека ги проверуваат маилови од работа. За ручек, најбезболна и брза опција е „брза храна“ од локалниот ресторан и истата ја консумираат пред компјутер или со телефон во рака, потполно ментално отсутни.
Како дел од „здравата исхрана“ не треба да се занемари менталниот аспек и приодот кон истата. Приодот кон храната и секој оброк може позитивно или негативно да влијае врз способноста за нејзина преработка и адекватна абсорбција на нутриенти.
Ако треба да ви дадам само еден совет за намалување на килограми, тоа е следниот:
Консумирајте ја храната полека и со внимание.
Едноствен совет, кој во денешно време често е занемарен. Сепак исклучетелно полезен со многу бенефити:
1. Зголемена свесност за како одредена храната го афектира нивото на енергија
Кога јадеме и сме фокусирани на секој залак, станување свесни за сензациите поврзани со дадена храна. На овој начин можеме да видиме дали одредена храна не прави да сме енергични или пак поспани и желни за кафе. Дали не прави еуфорични и потоа за кратко време уморни, или пак не прави сити и ни овозможува да функционираме на оптимално ниво подолго време без осцилации во расположение.
2. Знаеме кога да престанеме со јадење
При споро јадење, системот за варење на храна има доволно време да испрати сигнали за ситост до мозокот. Со ова се избегнува прејадување и внесување на екстра калории, кои обично завршуваа во масти.
3. Полесно регистрирање на физиолошка глад и ситот
За време на оброк телото постојано испраќа сигнали за тоа колку треба да јадеме. Овие сигнали се занемаруваат при брзо јадење, и често доаѓа до прејадување. Доколку за цел имате да се ослободите од некое кило, јадете до 80% ситост.
4. Подобро варење на храната
Со поспоро конзумирање на храната, дигестивниот систем и ензимите за варење имаат доволно време за извршување на нивната работата. Исто така, спорото конзумирање на храна во релаксирана состојба го активира парасимпатичкиот систем (дел од автономниот нервен систем), одговорен да дигестија на храната.
Следен чекор
Стратегии кои можете да ги примените уште денес:
За почеток, едноставно пробајте да го оставите приборот за јадење после секој залак.
Понатаму, пробајте да јадете полека со паузи и без никакви гаџети кои би ви го одвлекле вниманието. Исклучете го телевизорот и ставете го телефонот на страна.
За оние најупорните, „јади полека, без телофон или телевизор, целосно присутен и свесен за храната што ја внесуваш. Фокусирај се на текстурата, вкусот и мирисот со секој залак.“
Доколку не сте го прочитале првиот дел од серијата на постови наменета за правилна исхрана, истиот можете да го најдете овде.
Comments